Nūr-Sūltan qalasy mäslihatynda «Deputat künı» aiasynda «Memlekettık rämızder turaly» zaŋynyŋ talaptary oryndaluy talqylandy. Jiynda qalalyq Tılderdı damytu jäne arhiv ısı basqarmasynyŋ basşysy Säken Esırkep Memlekettık rämızderdı zerdeleu, nasihattau jäne qoldanu salasyndaǧy memlekettık saiasatty ıske asyru, qazaqstandyq patriotizm men eldıŋ tarihy men mädenietıne qūrmetpen qaraudy qalyptastyru baǧytynda atqarylǧan jūmystardy baiandady.
Memlekettık rämızderdıŋ 30 jyldyǧyna orai qalalyq jäne respublikalyq deŋgeide ötkızıletın arnaiy ıs-şaralar jospary bekıtılgenın aityp ötken baiandamaşy tiıstı jūmystar sol josparǧa säikes jürgızılıp jatqanyn jetkızdı. Odan soŋ mamyr aiynda ötkızılgen, alda ötetın şaralarǧa toqtaldy.
Onyŋ aituynşa, Memlekettık tudy köteru räsımı, bır mezgılde änūrandy oryndau, konferensiia, seminar, merekelık konsert, avto-moto şeru, türlı tanymdyq saiystar, suretter men şyǧarmalar baiqauy syndy jalpy sany 200-den astam şara ötkızu josparlanǧan.
4 mausym künı saǧat 10.00-de «Atameken» alaŋynda Memlekettık tudy köteru saltanaty bolady.
Sol künı saǧat 11.00-de «Täuelsızdık tıregı» atty avto-moto şeru ötetının aitqan ol oǧan 50 jeŋıl avtokölık pen 10 motosikl qatysatynyn jetkızdı. Memlekettık tudy alyp ötetın şeru «Atameken» Qazaqstan kartasynan bastalyp, Memlekettık rämızderdıŋ 30 jyldyǧyna orai 30 şaqyrymdy jürıp ötedı. Būǧan qosa, sol künı saǧat 10.00-de Qalamgerler alleiasynda «Tıl jäne rämız – täuelsızdık jarşysy» atty patriottyq şara ötedı. Oǧan 50 erıktı qatysady.
– Memlekettık rämızderdıŋ 30 jyldyǧyna orai qala köşelerı arnaiy taqyryptyq bezendırılude. Memlekettık tudy ülken köşelerdıŋ boiyndaǧy köpqabatty üilerdıŋ qabyrǧalary men balkondaryna ılemız. Qala daŋǧyldary men negızgı köşelerdıŋ bilbordtaryna, LED ekrandar men aialdama pilondaryna jalpy 200-ge juyq taqyryptyq qūttyqtaular, qanatty sözder ornalastyryldy.
Memlekettık rämızderdıŋ qoldanyluyn tekseru maqsatynda bılım mekemelerınde reidter ötıp jatqanyn aitqan basqarma basşysy osyndai reidter jyl soŋyna deiın basqa da mekemelerde jalǧasatynyn jetkızdı. Jalpy Memlekettık rämızder mereitoiyna arnalǧan şaralar 4 mausymmen ǧana şektelmei, jyl soŋyna deiın jüretının aitty.
Qalalyq mäslihat deputaty Erlan Däkenov alda ötetın şaralar turaly halyqty qūlaqtandyru kerektıgın aityp, 4 mausym künı Mädeniet jäne sport ministrlıgı elordalyq filarmoniiada patriottyq forum ötkızetının jetkızdı. Mäslihat deputattary Läzzat Razbekova-Töleuhanova, Nūrdäulet Orazhanov baiandamaşyǧa taqyrypqa säikes sūraqtar qoidy.
Qalalyq mäslihat hatşysy Erlan Kanalimov, jiyndy qorytyndylai kele, bırneşe ūsynys aitty. Sonyŋ ışınde Memlekettık rämızderge qatysty memlekettık organdardyŋ jüielı vedomstvoaralyq baǧdarlamasy boluy kerektıgın atap öttı.
– Memlekettık rämızder – memlekettıgımızdıŋ, täuelsızdıgımızdıŋ nyşany. Ony qadırleu, qūrmetteu, qasterleu jäne ärqaşan da biık ūstau – patriottyq sezımnıŋ eŋ basty ülgısı. Äsırese balabaqşalar men mektepterge köŋıl bölu kerek. Būl salaǧa bükıl memlekettık organdar öz ülesın qosu qajet. Rämızderdıŋ 30 jyldyq mereitoiymen nemese 4 mausym künımen ǧana şektelmei, tiıstı şaralardy tūraqty türde ötkızu kerek. Rämızderdı qasterleu – barşamyzdyŋ paryzymyz, – degen Erlan Kanalimov rämızderdı qūrmetteu men nasihattaudyŋ älemdık ülgısın, sonyŋ ışınde AQŞ pen Bırıkken Arab Ämırlıkterınıŋ täjıribesın atap öttı. BAÄ-de äuejaidan jolauşylardy tumen qarsy alatynyn tılge tiek ettı.
