Aqyndyǧymen de, ädebiet synşylyǧymen de esimi elge tanys Jūma-Nazar Somjürektiŋ «Allanyŋ 99 körkem esimine 99 körkem jyr» atty jyr jinaǧy Astanamyzdaǧy «Saryarqa» baspasynan mol taralymmen jaryq kördi. Aqyn būl eŋbeginde tyŋ taqyrypqa türen salyp, barşa älemniŋ jaratuşysy bir Allanyŋ qūdiretin, onyŋ 99 körkem esimderiniŋ ǧajaiyp qasietterin jyr etken.
Şyǧys ädebietiniŋ mamandary da, özge bilimpazdar da mūsylman elderinde Allanyŋ qasietti 99 körkem sipatty esimderine būlai arnaiy 99 körkem jyr arnap jazǧan aqyndy estimegenderin aituda. Jinaqqa alǧy söz maqala jazǧan Fariza Oŋǧarsynova: «Ötken ǧasyr men odan arǧy zamandarda qazaq jyraularynyŋ biren-saran tuyndylarynda Jaratuşyǧa jalbarynu, kömek sūrau, qiyn-qystau sätterde Qūdaiǧa syiynyp, medet tileu şariǧat aitu sarynynda şyqqan jyr joldary kezdesedi. Biraq, qazaq jyr öneri tarihynda Allataǧalanyŋ qadir-qasietin madaqtap, onyŋ şuaqty şarapatyn arnaiylap öleŋge qosyp ūlyqtaǧan, sol taqyrypqa bütindei bir kitap jyr jazyp şyǧarǧan aqyn bolǧan emes» dep körsetken. F.Oŋǧarsynova atalmyş maqalaǧa alǧy sözinde Somjürektiŋ osynau jyr jinaǧyndaǧy öleŋderge asa joǧary baǧa bere kelip: «Jūma-Nazar aqynnyŋ būl kitaby – är qazaqtyŋ ǧana emes, Mūhammedtiŋ ümmetimin degen är mūsylmannyŋ törinde tūruǧa laiyq şapaǧatty şyǧarma», – dep tüiindeidi.
Rudakiden bastalatyn «Şyǧys jūldyzdary» atalatyn aqyndar: Firdausi, Saǧdi, Jämi, Hafiz, Omar Haiami, Nizami, Älişer Nauai jäne basqa şyǧys aqyndarynyŋ öleŋderi men dastandary qazaq tiline audarylǧan. Solardyŋ jyrlarynyŋ işinde Allanyŋ körkem 99 esiminiŋ ärqaisysyn jekelep jyrlaǧan öleŋder joq ekeni mälim. Bolsa, audarylǧan bolar edi ǧoi.
Eger şynymen solai bolyp şyqsa, būl aqyn Jūma-Nazar Somjürek üşin ǧana emes, qazaq eline de zor abyroi bolary anyq.
Aita kelgende, kitapqa Allanyŋ 99 körkem sipattary sol 99 qyrynan surettelip, Allanyŋ körkem beinesi jan-jaqty jyrlanǧan. Jyr jinaq Astanadaǧy «Abai» kitap dükeni men Seifullin-Beibitşilik köşeleri qiylysyndaǧy «Kitap üiine», «Artem» jäne «Vstrecha» aialdamalaryndaǧy «Alty alaş» atty qazaq basylymdary satylatyn düŋgirşekterge jäne basqa sauda oryndaryna tüsirilude.
Qaiyrjan Maqanov,
QR mädeniet qairatkeri
