Qazaqstan boks federasiiasy kubogynyŋ şirek finaldyq jarystary bastaldy. Şarşy alaŋǧa bırınşı bolyp «Şyǧys» diviziony komandalary şyqty. Elorda törınde ötken bäsekede Almaty oblysy, Pavlodar oblysy, Şyǧys Qazaqstan oblysy jäne Astana qalasynyŋ qūramalary özara myqtyny anyqtady.
Jarystyŋ bırınşı künı Astana boksşylary Pavlodar oblysy qūramasyn 8: 2 esebımen tıze büktırdı. Alaŋ ielerı qatarynan Azat Hamzin (49 kg), Iliias Süleimenov (52 kg), Meiırbolat Toitov (56 kg), Darhan Jūmsaqbaev (60 kg), Meiırım Nūrsūltanov (69 kg), Baqytjan Qojabekov (75 kg), Däuren Eleusınov (81kg) jäne Vasilii Levit (91 kg) öz qarsylastarynan basym tüstı. Almaty oblysynyŋ bylǧary qolǧap şeberlerı Şyǧys Qazaqstan oblysy komandasyn 7:3 esebımen jeŋdı.
Ekınşı künı Astana qūramasy Şyǧys Qazaqstan boksşylaryn 9:1 esebımen ūtsa, däl osyndai eseppen almatylyqtar Pavlodar oblysy boksşylaryn tıze büktırdı. Osylaişa, federasiia kubogynyŋ jartylai finalyna şyǧu üşın Almaty oblysy men Astana qūramalarynda bırdei mümkındık boldy. Osy ekı komanda arasynda ötetın jekpe-jekter nätijesı jartylai finalǧa şyǧatyn qūramany anyqtaityn boldy.
Al sol şeşuşı bäsekede Astana boksşylary 6:4 esebımen jeŋıske jetıp, bırınşı bolyp Qazaqstan boks federasiiasynyŋ jartylai finalyna şyqty. Şymkent qalasynda ötıp jatqan «Oŋtüstık» diviziony boiynşa jeŋımpaz komanda bügın anyqtalady. Aqtöbede ötetın «Batys» jäne Qaraǧandyda ötetın «Soltüstık» diviziondarynyŋ jeŋımpazdary 29 şılde künı belgılı bolady.
Qazaqstan boks federasiiasynyŋ jartylai finaldary Astana qalasynda 14 jeltoqsan künı, al finaldyq jekpe-jekter 15 jeltoqsan künı ötedı.
Erbol JANAT
