Nūr-Sūltan qalasynyŋ äkımı Altai Kölgınov qazırgı taŋda auqymdy jaŋǧyrtu jūmystary jürgızılıp jatqan «Qazaqstan» sport keşenın aralady. 20 jyl būryn salynǧan köpfunksionaldy sport keşenınde qazır apattyq qūrylymdardy bölşekteu qolǧa alynǧan.
Jaŋǧyrtu jūmystarynyŋ nätijesınde keşendegı körermenderge arnalǧan oryndarynyŋ sany ūlǧaiady. Hokkei alaŋy erekşe qajettılıgı bar tūrǧyndarǧa laiyqty etıp jaŋǧyrtylady. Basseinderde jüzu boiynşa oqu-jattyǧu därısterı men respublikalyq jäne halyqaralyq deŋgeidegı jarystardy ötkızu üşın qajettı jaǧdai jasalady. Būdan bölek, sport keşenındegı jattyǧu zaldary men tehnikalyq üi-jailar jaŋartylady.
Jalpy Memleket basşysynyŋ tapsyrmasyna sai elordada būqaralyq sportty damytu, balalar men jasöspırımder arasynda salauatty ömır saltyn qalyptastyru baǧytynda keşendı jūmystar qolǧa alynǧan.
Ötken jyly qaladaǧy «Tolqyn» sport keşenınde kürdelı jöndeu jūmystary aiaqtaldy. 50 jyl būryn salynǧan «Jastar» saraiyna qaita jaŋǧyrtu jürgızılıp jatyr. Apatty dep tanylǧan Q.Mūŋaitpasov atyndaǧy ortalyq stadionynyŋ ornyna jaŋa sport keşenı salynady.
