Premer-ministr Älihan Smaiylovtyŋ töraǧalyǧymen ötken Ükımet otyrysynda Memleket basşysynyŋ «Jaŋa Qazaqstan: jaŋaru men jaŋǧyru joly» Joldauyn ıske asyru mäselesı qaraldy. Otyrys barysynda pandemiiaǧa jäne syrtqy saiasi jaǧdailardyŋ äserıne qaramastan, QR aumaǧy arqyly tranzittı qosa alǧanda, tasymaldau kölemı ösıp kele jatqany atap ötıldı.
Atap aitqanda, 2022 jylǧy qaŋtar-aqpan ailarynda ötken jyldyŋ säikes kezeŋımen salystyrǧanda Qazaqstanda temırjol kölıgımen jük tasymaldau kölemı 10%-ǧa artyp, 70,8 mln tonnany qūrady. Tranzittık jükterdı tasymaldau kölemı 20%-ǧa ösıp, 4 mln tonnaǧa jettı. Konteinerlermen tranzittık tasymaldau kölemı 174,7 myŋ JFE körsetkışımen 12%-ǧa östı. Qytai men Europa arasyndaǧy konteinerlık tranzit kölemı jyl saiyn oŋ dinamika körsetude jäne 2021 jyly 732 myŋ JFE-ge deiın ūlǧaidy. Jalpy, ötken jyly Qazaqstan arqyly 1 mln-nan astam konteiner nemese 23,8 mln tonna tranzittık jük jöneltıldı.
Geosaiasi jäne ekonomikalyq jaǧdai uşyǧyp tūrǧan qazırgı kezeŋde Europaǧa baǧyttalǧan tranzit kölemı men jük tasymalyn azaityp almau üşın tez arada balama baǧyttar aşu ısı qolǧa alyndy. Qazırgı kezde jükterdı Äzerbaijan men Gruziia arqyly ötetın Transkaspii halyqaralyq transşekaralyq baǧyty men TRASEKA arqyly jıberu boiynşa jūmystar jürgızılıp jatyr. Bırlesken käsıporyndar qūru turaly kelısımderge qol jetkızıldı. Būl otandyq jük tasymaldauşylar üşın bıryŋǧai tarifterdı belgıleuge mümkındık beredı. Sonymen qatar qazaqstandyq infraqūrylymdaǧy keibır şeşılmegen mäseleler jaŋǧyrtu jäne qūrylys jūmystary esebınen retteluı mümkın. Jyljymaly jük vagondarynyŋ parkı jyldan jylǧa tozyp keledı. Al tolyqqandy teŋız sauda flotynyŋ bolmauynan, teŋız logistikalyq infraqūrylymyn tolyq quatynda paidalana almai otyrmyz. Tranzittık-kölık tasymaly äleuetın arttyru üşın şekaradan ötu kezındegı äkımşılık kedergılerdı azaityp, kölık infraqūrylymynyŋ ötkızu qabıletın arttyru qajet.
Joǧaryda aitylǧandardyŋ negızınde Premer-ministr Älihan Smaiylov memlekettık organdar men ūlttyq kompaniialardyŋ basşylaryna bırqatar naqty tapsyrma berdı.
