Jaz mezgılıne qaramastan, tūmauratuşylardyŋ qatary seiılmei tūr. Onyŋ män-jaiyn Memlekettık sanitarlyq-epidemiologiialyq qadaǧalau komitetı Astana qalasy boiynşa departamentınıŋ basşysy Sarhat Beisenovadan sūrap bıldık.
– Sarhat Saǧyntaiqyzy, Astana qalasy boiynşa jıtı respiratorlyq virusty infeksiiamen auyrǧandardyŋ jalpy sany qanşa?
Astana qalasynda 2013 jyldyŋ 7 aiynyŋ qorytyndysy boiynşa tūmaumen auyrǧan 77 jaǧdai tırkelıp, körsetkışı 10,1-dı qūrady. 2012 jyldyŋ osy kezeŋınde 108 jaǧdai tırkelıp, intensivtı körsetkışı 14,3-tı qūraǧan. Jalpy jedel respiratorly infeksiianyŋ 57 237 jaǧdaiy tırkelıp, jüz myŋ tūrǧynǧa şaqqanda intensivtık körsetkışı 7 526 adamdy qūrady (2012 j. 89676 jaǧdai, körsetkışı 12 156 adam bolǧan).
– Sızderdıŋ mekemede qadaǧalau jūmystary qalai jürgızıledı?
– QR DSM memsanepidqadaǧalau Komitetınıŋ Astana qalasy boiynşa departamentınde jedel respiratorlyq virusty infeksiialar men tūmaudyŋ taraluy boiynşa epidemiologiialyq jaǧdaidyŋ kündelıktı monitoringı jürgızıledı. Asqynudyŋ auyr türlerınıŋ aldyn aluda basqa ıs-şaralarmen qatar, aurudy asqynbai tūryp erte anyqtau jäne uaqytynda em jürgızu maqsatynda jüktı äielderge apta saiynǧy patronajdar ūiymdastyrylady. Osyndai şaralar jüktı äielder arasynda JRVİ-dıŋ asqynǧan türlerın kürt tömendetuge mümkındık berdı.
– Tūmauǧa qarsy tözımdılıktı arttyru aqyly ma?
–Tūmauǧa qarsy eŋ nätijelı qorǧanu şarasy – vaksina. Uaqytynda alynǧan vaksinalar joǧary nätijelı ǧana emes, sonymen qatar, qauıpsız, reaktogendıgı tömen jäne balalardaǧy siiaqty eresekterde de şekteusız tūmaudyŋ aldyn alady. Vaksinany ekkennen soŋ 2 saǧattan keiın jäne 7-14 künge deiıngı aralyqta immunitet paida bolyp, 1 jylǧa deiın saqtalady. Tūmauǧa qarsy vaksinasiialau jergılıktı biudjet esebınen qalanyŋ 15 egu kabinetterınde jürgızıledı. Olar: 7 qalalyq emhanalarda, 8 jeke medisinalyq ortalyqtarda. Jergılıktı biudjet esebınen äleumettık älsız toptyŋ balalaryna, qarttar men mügedekter üiınıŋ tūrǧyndaryna, medisina qyzmetkerlerıne jäne jüktı äielderge jürgızıledı. Sonymen qatar, Düniejüzılık Densaulyq saqtau Ūiymy tūmau men JRVİ-dıŋ aldyn aluda 4 maŋyzdy aspektılerın ūsynady. Olar: jeke jäne qoǧamdyq gigienany saqtau; tüşkıru men jötelu tärtıbın saqtau (sulyqqa, oramal men sulyq bolmaǧan jaǧdaida kiımnıŋ jeŋıne jötelu), qoǧamdyq oryndarda 1 metrlık qaşyqtyq distansiiany saqtau kerek.
Erkejan SÄTIMBEK
