Keşe «Astana – adaldyq alaŋy» jobasynyŋ menedjerlerı «Nūrly jer-2025» baǧdarlamasy aiasynda elordada jöndelıp jatqan üilerdı tekserdı. Jöndeu jūmystarymen atalmyş baǧdarlama operatory «Örken qala» JŞS ökılderı tanystyrdy.
Bas qaladaǧy köppäterlı tūrǧyn üilerdı jöndeuge respublikalyq biudjetten 600 mln teŋge şamasynda qarjy bölındı. Baǧdarlama şeŋberınde 19 tūrǧyn üi jaŋǧyrtylady. Merdıgerler atqarylatyn jūmystarǧa üş jylǧa kepıldık berıp otyr.
Tekserılgen alǧaşqy nysan «Samal» şaǧyn audanynda ornalasqan №5 üi. Mūnda lift jabdyqtaryn auystyru jürgızılıp jatyr. Jalpy alǧanda atalmyş şaǧyn audanda jetı lift qondyrǧylaryn auystyru josparlanǧan. Tiıstı jūmystar qyrküiek aiynyŋ ortasynda bastaldy. Olardy aiaqtau merzımı jeltoqsan aiyna qoiylǧan. Qajettı jaŋa jabdyqtar satyp alynyp, qoimalarda tūr.
Al N.Tılendiev, 36 mekenjaiynda injenerlık jelıler auystyrylyp jatyr. Būl tūrǧyn üi äzırge avtonomdy jylytu jüiesıne qosylǧan. Jelıler auystyrylǧan soŋ, üidı ortalyq jylu jüiesıne qosady. Keste boiynşa jūmys qaraşa aiynyŋ aiaǧynda aiaqtaluy tiıs.
