Қазақстан Республикасы Президентінің жүлдесі үшін 10-14 қыркүйек аралығында Өскемен қаласында өткен V Халық спорт түрлері ойындарынан Астана құрамасы жүлделі оралды. Атап айтқанда, елорда спортшылары үш күміс жүлде иеленіп, жалпы командалық есепте үшінші орын алды.

Астана қаласының Тілдерді дамыту басқармасы Қазақстан халқы тілдерінің ХVІ қалалық фестивалі аясында 16 қыркүйек күні сағат 16.00-де «Студенттік» саябақта «Кемел тілдің келешегі» жастар акциясын өткізеді. Аталған акция барысында жоғары оқу орындарының студенттері флеш-моб ұсынады. Маржан Арапбаева, Ибрагим Ескендіров, Жаңабай Өтегенов және «Ұмай» тобы ән шырқайды, «Арт-домбыра» аспаптық триосы, КТК (КВН) чемпиондары «Демеушіміз – Болашақ» командасы өнер көрсетеді. Жастар кешін шоумен Нұрболхан Шарапов жүргізеді.