Кішкентай елордалықтар үшін де алдағы демалысты сәтті ұйымдастыруға ұсыныс бар. 13-14 тамыз күндері Астана қаласының әкімдігіне қарасты Қуыршақ театрында «Ормандағы ертегі» атты спектакль қойылады.
Онда тәрбиелі Қоян, тентек Түлкі, мейірімді Аю балаларды достық әлемімен таныстырады. Яғни, қойылымға келген әрбір бүлдіршін дос болудың қаншалықты жауапты іс екенін ұғынып қайтады. Спектакльдің авторы – Тоғжан Хасанғалиева, ал режиссері – Айжан Салаева. Сағат 12.00-де қойылымның орысша нұсқасы, сағат 14.00-де қазақша нұсқасы көрсетіледі.
