Нұр-Сұлтан қаласы бойынша «Рухани жаңғыру» жобалық кеңсесінің басшысы Ақерке Жұманбаева кеңсенің бір жыл ішінде атқарған жұмыстары туралы айтты.
«Рухани жаңғыру» бағдарламасының 17 арнайы жобасының аясында биыл Нұр-Сұлтан қаласы бойынша «Рухани жаңғыру» жобалық кеңсесі 305 шара өткізді. Сонымен қатар «Рухани жаңғыру» бағдарламасының 6 принципінің аясында елордадағы 300 мекеменің, соның ішінде білім, денсаулық сақтау мекемелерінің, мәдениет және спорт ошақтарының, еңбекті қорғау, жұмыспен қамту мекемелерінің 1 800 қызметкеріне «Рухани жаңғыру» бағдарламасын түсіндіріп, кеңінен насихаттау жұмыстары жүргізілді. Биылғы әлемдік пандемияға байланысты шаралардың басым көпшілігі онлайн форматта өтті.
