ЖаңалықтарҚала тіршілігі
СУ САПАСЫ ЖАҚСАРАДЫ
Астана қаласы әкімінің орынбасары Василий Крылов пен Жапония Сыртқы істер вице-министрі Хамада Кадзуюки «Астана қаласын сумен және кәрізбен қамтамасыз ету» жобасының нысанына барды.
Бұл Жапония мен Қазақстанның бірлескен бюджеті есебінен жүзеге асырылған нысан болып есептеледі.
Жоба аясында сумен қамтамасыз ету, су бұру жүйелерін жөндеу, сондай-ақ, шектеулі су ресурстарын тиімді пайдалану жұмыстары жүйелі атқарылатын болады.
«Біз осы жобаны іске асыру арқылы елорда тұрғындарын таза сумен қамтамасыз етуге қол жеткізіп отырмыз. Жаңа жабдықтарды пайдалану нәтижесінде ауыз су сапасы айтарлықтай жақсарды. Су, электр энергиясын пайдалануда шығындар да біршама азайды», – деп атап өтті қала әкімінің орынбасары.
Шынар ДОСАН