Нұр-Сұлтан қаласы әкімдігінің «Жанұя» отбасы институтын қолдау орталығы» КММ директоры Әсемгүл Садыр орталық қалай құрылғанын айтып берді.
Мемлекеттің әлеуметтік саясаты қоғамның әлеуметтік өмір сүру жағдайын реттеудің бір бағыты саналады. Осы орайда қала әкімдігі тарапынан әлеуметтік топтар арасындағы қарым-қатынастарды қолдап, жалпы қоғам мүшелерінің әл-қуаты мен өмір сүру деңгейін жақсарту негізінде 2019 жылғы 26 тамызда «Жанұя» отбасын қолдау орталығы қанатқақты жоба ретінде ашылды. Жоба мақсаты – қиын жағдайға тап болған әрбір жанұяға психологиялық, әлеуметтік және құқықтық көмек көрсету, сонымен қатар отбасы институтының рухани құндылықтарын дамыту. Орталық қанатқақты жоба ретінде өз жұмысын сәтті әрі жоғары деңгейде атқарып, Нұр-Сұлтан қаласының әкімі Алтай Көлгіновтің қолдауымен 2020 жылдың 27 мамырынан бастап «Жанұя» отбасы институтын қолдау орталығы» коммуналдық мемлекеттік мекемесі болып ресми түрде құрылды.
