Нұр-Сұлтан қаласы әкімдігінің ғимаратында әлеуметтік әріптестік және еңбек қатынастарын реттеу жөніндегі қалалық комиссияның отырысы өтті.
Отырысқа Нұр-Сұлтан қаласының кәсіподақ орталығы төрағасының орынбасары К.Сұлтаналин, Қазақстан Республикасы Нұр-Сұлтан қаласындағы жұмыс берушілер (кәсіпкерлер) ұлттық конфедерациясының өкілі Н.Твердовская, Нұр-Сұлтан қаласы Полиция департаментінің тергеу басқармасы бөлімінің бастығы Р.Жұмахметов және елордадағы құрылыс мекемелерінің басшылары қатысты.
Басқосуда қаладағы кәсіпорындарда өндірістік жарақаттану мәселесі қаралып, орын алған жазатайым оқиғалардың себебі болған құрылыс мекемелерінің заң бұзушылықтары айтылды.
Соңынан отырысқа қатысушыларға және Нұр-Сұлтан қаласының Полиция департаментіне хаттамалық тапсырма берілді.
