Сарыарқа ауданының әкімі Есет Байкен аудан аумағында тұратын көпбалалы аналарға «Күміс алқа» алқаларын табыстады.
[smartslider3 slider=1193]
– Елбасы Нұрсұлтан Әбішұлы Назарбаевтың «Кез келген мемлекеттің қуаты – халқында» деген сөзі бар. Тұңғыш Президентіміз негізін қалаған елорда төрінде халық санын көбейтуге үлес қосып, келешек ұрпақты тәрбиелеу жолындағы алтын құрсақты аналардың еңбегі зор.
Қазақ халқы әрқашан отбасылық құндылықтарды жоғары қойған. Әсіресе, алтын құрсақты аналарды халқымыз ерекше қадірлейді. Көпбалалы болу – бұл батырлық, зор мақтаныш әрі үлкен жауапкершілік. Ұрпақ тәрбиелеп отырған әр анаға зор денсаулық, қажымас қайрат тілеймін, – деді аудан басшысы.
