استانا قالاسىنىڭ جۇمىسپەن قامتۋ, ەڭبەك جانە الەۋمەتتىك قورعاۋ, ينۆەستيتسيالار جانە كاسىپكەرلىكتى دامىتۋ باسقارمالارى مەن «الدار ەۆروازيا» جشس اراسىندا ءوزارا ىنتىماقتاستىق تۋرالى مەموراندۋمعا قول قويىلدى. ول بويىنشا جۇمىسپەن قامتۋ ورتالىعىندا تىركەۋدە تۇرعان ازاماتتاردى جۇمىسقا ورنالاستىرۋ ءۇشىن جاعداي جاساۋ قاراستىرىلعان.
«ابۋ-دابي پلازا» – ىرگەلى جوبالاردىڭ ءبىرى. جالپى, جاڭا نىسانداردى ىسكە قوسۋ, سونداي-
اق قولدانىستاعى كاسىپورىنداردىڭ دامۋى ناتيجەسىندە جىل سايىن ەلوردادا 19-20 مىڭ تۇراقتى جۇمىس ورنى قۇرىلۋدا. بۇگىندە قالادا ەكونوميكالىق بەلسەندى حالىق سانى 531,3 مىڭ ادامدى قۇراسا, جۇمىسپەن قامتىلعان حالىق سانى – 507,2 مىڭ ادام. استانانىڭ يندۋستريالدى-يننوۆاتسيالىق جانە الەۋمەتتىك-ەكونوميكالىق دامۋى اياسىندا, «ابۋ دابي پلازا» نىساندارىندا جاڭا جۇمىس ورىندارىن قۇرۋ ەلوردامىزدىڭ ەڭبەك نارىعىنداعى جاعدايدى تۇراقتاندىرۋعا مۇمكىندىك بەرەدى.
