جاپونيادا وتكەن حالىقارالىق «Japan Women’s Open Tennis» جارىسىنىڭ اقتىق سىنىندا جەرلەسىمىز زارينا دياس اۆستراليالىق سامانتا ستوسۋرعا ەسە جىبەرگەنمەن, WTA (حالىقارالىق ايەلدەر تەننيسى قاۋىمداستىعى) رەيتينگىندە 37-ورىننان 34-ورىنعا كوتەرىلدى. بۇل – قازاقستان تەننيسى تاريحىنداعى ۇلكەن جاڭالىق ءارى تەننيسشى قىزىمىزدىڭ ءىرى تۋرنيرلەردەگى العاشقى فينالى.
فينالدا ول الەمنىڭ 18-راكەتكاسى, تاجىريبەلى تەننيسشى سامانتا ستوسۋرعا ەكى سەتتىڭ قورىتىندىسى بويىنشا 7:6, 6:3 ەسەبىمەن جول بەردى. فينالعا شىققان تەننيسشى رەتىندە زارينانىڭ ەنشىسىنە WTA رەيتينگىندە 180 ۇپاي قوسىلىپ, سوعان وراي, ءبىر-اق ساتتە 37-ورىننان 34-ورىنعا دەيىن كوتەرىلدى.
قازاقستاندىق 20 جاسار قىزدىڭ الدا ءالى قانداي رەسمي جارىستارعا قاتىساتىنى ازىرگە بەلگىسىز. ءبىر انىعى, ول سينگاپۋردە وتەتىن جىلدىڭ قورىتىندى تۋرنيرىندە كورسەتىلىم ماتچىنا قاتىسادى. بىراق بۇل تۋرنيردە رەيتينگتىك ۇپاي بەرىلمەيدى.
دياستان بولەك, تاعى ءبىر قازاقستاندىق تەننيسشى ياروسلاۆا شۆەدوۆا 67-ورىننان 68-ورىنعا قۇلديلاسا, يۋليا پۋتينتسەۆا 12 ساتى العا جىلجىپ, 110-ورىنعا تۇراقتادى.
