«قازاقتەلەكوم» اق-نىڭ 20 جىلدىعىنا وراي «استاناتەلەكوم» قتو كۇنى بويى ابونەنتتەرگە قىزمەت كورسەتۋمەن اينالىسىپ, «ءبىز سىزدەردى جاقسى كورەمىز!» اكتسياسىن ۇيىمداستىردى.
سول كۇنى «استاناتەلەكوم» قتو باس ديرەكتورى ەرمەك قۋانىشبەكوۆ بىرنەشە ساعات «160» قىزمەتىنىڭ مامانى رەتىندە ەلوردالىقتارعا قالتقىسىز قىزمەت كورسەتتى. بۇل رەتتە ەرمەك بولاتۇلى قالا تۇرعىندارىنان كەلىپ تۇسكەن ءارتۇرلى سۇراقتارعا جاۋاپ بەرىپ, ولاردىڭ ءوتىنىش-تىلەكتەرىن قاعازعا ءتۇرتىپ وتىردى.
– استانالىق ابونەنتتەردى ءبىزدىڭ جۇمىسىمىزداعى جاڭا قىزمەتتەر قاتتى قىزىقتىرادى ەكەن. بۇل رەتتە ولار الداعى ۋاقىتتا ۇيىمداستىرىلاتىن اكتسيالار جونىندە, تاريفتەر, تەلەكوممۋنيكاتسيا قىزمەتتەرى ءۇشىن تولەم تولەۋدىڭ ءتيىمدى ادىستەرى تۋرالى, سونىمەن بىرگە جاڭا تەلەفون ورناتۋ جايىندا كەڭىرەك بىلگىسى كەلەتىندىكتەرىن جەتكىزدى. ەڭ باستىسى, ءبىزدىڭ ورتالىققا حابارلاسقان قالا تۇرعىندارىنىڭ كوپشىلىگى «استاناتەلەكوم» قتو-نىڭ جۇمىسىنا جاقسى باعا بەرىپ, قىزمەتكەرلەرىمىز جايلى جىلى پىكىرلەرىن ءبىلدىردى. مەن, ارينە, سوعان قۋاندىم. ءبىز ءۇشىن كليەنتتەرىمىزدىڭ سەنىمى بارىنەن دە جوعارى, – دەدى ە.قۋانىشبەكوۆ.
جالپى, «استاناتەلەكوم» قتو-نىڭ حالىقپەن بايلانىس ورتالىعىندا 40-تان استام وپەراتور جۇمىس ىستەيدى. ولار كۇن سايىن 4 مىڭعا جۋىق ابونەنتكە, ال ءار وپەراتور ءبىر كۇننىڭ ىشىندە 100 ابونەنتكە قىزمەت كورسەتەدى.
قالالىق تەلەكوممۋنيكاتسيا ورتالىعىنىڭ تەحنيكالىق ديرەكتورى الەكساندر گەراسكو بولسا سول كۇنى تەحنيكالىق قىزمەتكەر كەيپىنە ەنىپ, كۇنى بويى ابونەنتتەردىڭ ۇيلەرىنە بارىپ, ينستاللياتسيالار جاساۋمەن, بايلانىس جەلىلەرىندەگى اقاۋلاردى جويىپ, پروفيلاكتيكالىق جۇمىستاردى جۇرگىزۋمەن اينالىستى. تەحنيكالىق قىزمەتكەرلەردىڭ جۇمىسىن كوزىمەن كورىپ قانا قويماي, سول جۇمىستاردى ءوز قولىمەن اتقارىپ قايتقان ديرەكتورعا بۇل ءىس جاقسى تانىس. ويتكەنى, ا.گەراسكو ەڭبەك جولىن مونتەر بولىپ باستاعان بولاتىن. سوندىقتان وسى جۇمىستاردى اتقارا ءجۇرىپ, ول جاستىق شاعىن, سول كەزدىڭ قيىندىقتارى مەن قىزىقتارىن ەسىنە الدى.
تەحنيكالىق ديرەكتوردىڭ ايتۋىنشا, بۇگىنگى تاڭدا «استاناتەلكوم» قتو-نىڭ تەلەكوممۋنيكاتسيالار جەلىلەرىندە بارلىعى 530 قىزمەتكەر جۇمىس ىستەيدى. بۇل رەتتە جەلى جۇمىسىنا ۇنەمى تالداۋ جۇرگىزىلىپ, DossierQA باعدارلامالىق كەشەنى ارقىلى كليەنتتەرمەن ساۋالناما ۇيىمداستىرىلىپ تۇرادى. ول, ارينە تۇرعىندارمەن اراداعى بايلانىستى نىعايتىپ, كورسەتىلەتىن قىزمەت ساپاسىن جاقسارتۋعا جانە جەلىدە بولاتىن اقاۋلاردى ازايتۋعا مۇمكىندىك بەرەدى.
اكتسيا اياسىندا كوممەرتسيالىق ديرەكتور داركۇل مەشىتباەۆا دا ورتالىق اگەنتتىكتە ابونەنتتەردى قارسى الىپ, ولارعا جاڭا قىزمەتتەر, ينفوكيوسكىلەر ارقىلى تولەم تولەۋ جونىندە كونسۋلتاتسيالار بەردى. وسىدان جيىرما جىل بۇرىن تەلەكوممۋنيكاتسيا قىزمەتتەرىن ۇسىنۋ ورتالىعىنىڭ باستىعى بولىپ جۇمىس ىستەگەن ول مۇندا كەلگەن تۇرعىندار اراسىندا ساۋالناما جۇرگىزدى. سونىڭ ناتيجەسىندە ابونەنتتەردىڭ 95 پايىزى «استاناتەلەكوم» قىزمەتىنە كوڭىلى تولاتىندىقتارىن جەتكىزگەن. وسىعان وراي, كوممەرتسيالىق ديرەكتور قۋانىشىن جاسىرا المادى. «حالىقپەن جۇمىس ىستەي ءجۇرىپ, ولاردىڭ ءبىزدىڭ قىزمەتىمىزگە العىستارىن بىلدىرگەندە, ءسوز جوق, ءوزىم دە شەكسىز ريزا بولدىم. ەل يگىلىگى ءۇشىن ەڭبەك ەتۋ قانداي باقىت!» دەدى ول.
مامانداردىڭ مالىمدەۋىنشە, «استاناتەلەكوم» قتو قازىرگى كەزدە 248 مىڭنان استام ابونەنتكە قىزمەت كورسەتەدى ەكەن. سونىڭ ىشىندە 20 مىڭعا جۋىق تۇرعىن iD Phone ساۋدا بەلگىسىمەن sip-تەلەفونيا قىزمەتىن پايدالانسا, عالامتور جەلىسىن كەڭ جولاقتى قاتىناۋ قىزمەتى ارقىلى پايدالاناتىندار سانى 106 مىڭنان اسادى. ال, تۇتىنۋشىلاردىڭ 37 مىڭنان استامى iD Net قىزمەتىنە جانە 35 مىڭعا جۋىعى iD TV قىزمەتىنە قوسىلىپتى.
«ءبىز سىزدەردى جاقسى كورەمىز!» اتتى شارا سوڭىندا مەرەكەلىك اكتسياعا قاتىسۋشىلار قازاقتەلەكومدىقتاردى 20 جىلدىق مەرەيتويىمەن قۇتتىقتاپ, ىزگى تىلەكتەرىن جەتكىزدى. «قازاقتەلەكوم» – بارلىق ءىستى ۋاقىتىندا, ساپالى ءارى ادال اتقاراتىن سەنىمدى كومپانيا ەكەنىن ەسكەرە كەلە, ولار اتالمىش ورتالىق قىزمەتتەرىن قولداناتىندىقتارىن ايتىپ, ابونەنتتەرگە دەگەن قامقورلىقتارى ءۇشىن ريزاشىلىقتارىن جەتكىزدى.
گۇلبارشىن وكەشقىزى
