ەلوردادا ءتورت تۇرعىن ءۇيدىڭ اۋلاسىندا بالالارعا ارنالعان فۋتبول سەكتسياسى اشىلدى. جاتتىعۋلار اپتاسىنا ءۇش رەت – دۇيسەنبى, سارسەنبى جانە جۇما كۇندەرى وتەدى. قازىرگى كەزدە 8 جاستان اسقان 60 بالا تەگىن جاتتىعىپ ءجۇر.
فۋتبول لاگەرى «ەسىل» اۋدانىندا ساۋران ك-ءسى, 5ا, سارايشىق ك-ءسى, 34, سونداي-اق, «الماتى» اۋدانىندا ابىلاي حان داڭعىلى, 49/3, جۇبانوۆ ك-ءسى, 10 مەكەن جايلارى بويىنشا جۇمىس ىستەيدى. باستالۋى ساعات 15.00. جاتتىقتىرۋشىلار – ەربول مۇساباەۆ جانە پاۆەل حالەزوۆ.
– مەنىڭشە بالالارعا جاتتىقتىرۋشىلارمەن دايىندالعان قىزىق بولادى. ولارعا ءار ءتۇرلى جاتتىعۋلار جاساتامىز. بۇل جارتىلاي كاسىبي دەڭگەي. ءبىز بالالاردى باقىلايمىز, دەڭگەيى جوعارى جانە قابىلەتتىلىگى بار بالالار قالالىق فۋتبول ورتالىعىنا, بالالار مەن جاسوسپىرىمدەر سپورت مەكتەبىنە جىبەرىلەدى, – دەيدى پاۆەل حالەزوۆ.
قازاقستاننىڭ فۋتبول فەدەراتسياسى جاس سپورتشىلاردى كەرەك-جاراقتارمەن قامتاماسىز ەتەدى.استانا
ايتا كەتەيىك, جىل سوڭىنا دەيىن تاعى دا 10 اۋلادا فۋتبولدان تەگىن ساباقتار وتكىزۋ جوسپارلانعان.
astana.gov.kz
