تاجىكستان استاناسى دۋشانبە قالاسىندا شاحماتتان الەم كۋبوگى جارىسىنا جولداما ۇلەستىرگەن ورتاازيالىق ايماقتىق تۋرنيردە استانالىق دينارا سادۋاقاسوۆا جەڭىسكە جەتتى.
بايراقتى جارىستىڭ ءار ويىنىندا تياناقتىلىق كورسەتكەن حالىقارالىق دارەجەدەگى گروسسمەيستەر دينارا سادۋاقاسوۆا ەڭ جاقىن قارسىلاسىنان جارتى ۇپاي وزىپ, قورىتىندى ەسەپتە ءبىرىنشى ورىنعا يە بولدى. وسىلايشا, استانالىق شاحماتشى الەم كۋبوگى جارىسىنا بەرىلەتىن جالعىز جولدامانى قانجىعاسىنا بايلادى.
ەندى قازاقستان وليمپيادالىق كومانداسىنىڭ مۇشەسى د.سادۋاقاسوۆا 10 قىركۇيەك-4 قازان ارالىعىندا باكۋ قالاسىندا وتەتىن الەم كۋبوگى باسەكەسىندە ەل نامىسىن قورعايتىن بولادى.
