پرەزيدەنتتىڭ جۇمىس جايىن جاريالادى

قر پرەزيدەنتىنىڭ ءباسپاسوز حاتشىسى بەرىك ءۋالي مەملەكەت باسشىسى قاسىم-جومارت ­توقاەۆتىڭ توعىز ايدان بەرگى جۇمىسى جايىن­دا بريفينگ وتكىزدى.مەملەكەت باسشىسى جىل باسىنان بەرى حالىقارالىق ءىس-شارالار بويىنشا 12 ەلگە ساپارمەن باردى. ونىڭ ىشىندە وزبەكستان, قىتاي, قىرعىزستانعا مەملەكەتتىك ساپارمەن, رەسەي مەن گەرمانياعا رەسمي ساپارمەن, ال جۇمىس ساپارىمەن رەسەيگە ەكى رەت جانە اقش, قىرعىز­ستان, تاجىكستان, تۇرىكمەنس­تان, ارمەنياعا بارعان.
قازاقستان پرەزيدەنتى 9 حالىق­ارالىق جيىنعا قاتىستى.
جالپى قاسىم-جومارت توقاەۆتىڭ قاتىسۋىمەن 463 شارا ءوتتى.
سونىمەن قاتار ءباسپاسوز حاتشىسى قر پرەزيدەنتىنىڭ ەل ىشىندە اتقارعان جۇمىسىنا توقتالدى.
«ەل ىشىندەگى اتقارعان شارۋالارىنا توقتالار بولساق, مەملەكەت باسشىسىنىڭ قاتىسۋىمەن 463 شارا ءوتتى. قاسىم-جومارت ­كەمەلۇلى ەلىمىزدىڭ ايماقتارىنا 25 رەت جۇمىس ساپارىمەن باردى. كەيبىر وبلىستارعا ءتىپتى ەكى رەت بارعانىن بىلەسىزدەر. ­قاسىم-جومارت كەمەلۇلى قر ­پرەزيدەنتى قىزمەتىنە كىرىسكەن ساتتەن بەرى 239 مەملەكەتتىك ورگاننىڭ باسشىلارىن, پارلامەنت دەپۋتاتتارىن, ساياسي پارتيالار مەن قاۋىمداستىق وكىلدەرىن جانە جەكە تۇلعالاردى قابىلدادى. سونىمەن قاتار مەملەكەت باسشىسى 31 ەلدىڭ باسشىسىمەن تەلەفون ارقىلى سويلەستى» دەدى بەرىك ءۋالي.