شىنىقساڭ, شىمىر بولاسىڭ

جاستار ساياساتى ورتالىعى قوعامدىق قورىنىڭ ۇيىمداستىرۋىمەن «اjar-Astana Mall» ساۋدا ويىن-ساۋىق ورتالىعىندا «Sportfest» فەستيۆالى ءوتتى.

سالاۋاتتى ءومىر سالتىن ناسيحاتتاپ, وسكەلەڭ ۇرپاقتى سپورتقا باۋلۋدى كوزدەگەن يگى باستاماعا استانا تۇرعىندارىنان بولەك, قاراعاندى, كوكشەتاۋ, ەكىباستۇز قالالارىنان كەلگەن 10-25 جاس ارالىعىنداعى 400-گە جۋىق ادام ءۇن قوستى. كوپشىلىگى الەۋمەتتىك جەلىلەردە جازىلعان حابارلاندىرۋ بويىنشا جينالعان كورىنەدى.

فەستيۆال جۇمىسى «Graffiti», «Break dance», «Parkour», «Street workout» اتتى 4 باعىتتا جۇرگىزىلدى. ونىڭ ىشىندەگى برەيك-دانس «Kids», «Junior» جانە «Professional» دەگەن ساناتتاردان تۇردى. سونداي-اق, قاتىسۋشىلار اياقتارىنا 32 كەلى گىر تاسىن بايلاپ, بەلتەمىرگە تارتىلۋدان جارىسقا ءتۇستى. ارنايى اكەلىنگەن قابىرعالارعا سپورت تا­قىرىبىندا ءتۇرلى-ءتۇستى بوياۋ مەن سيانىڭ كومەگىمەن سۋرەت سالدى. جاقسى سالىنعان سۋرەتتەر جەتىمدەر ۇيىنە سىيعا تارتىلادى.

جارىس سوڭىندا جەڭىمپازدارعا
ديپلومدار مەن ءتۇرلى باعالى سىي­لىق­تار بەرىلدى. «العاش رەت وتكى­زىلگەن بۇل فەستيۆالگە قىزى­عۋشى­لىق تانىتقاندار قاراسى از بولما­عاندىقتان, وسى تەكتەس شارالاردى الداعى ۋاقىتتا دا ۇيىمداس­تىرا­مىز» دەيدى جاستار ساياساتى ورتا­لىعى باسشىسىنىڭ ورىنباسارى تىنىشقالي سابەن.

ءمادينا جاقىپ