«استانانىڭ رەيتينگتەرى قالانىڭ سەرپىندى جانە ديۆەرسيفيكاتسيالى ەكونوميكاسى مەن جاعىمدى سالىق رەجيمىنە نەگىزدەلگەن تومەن دەڭگەيلى قارجى دەفيتسيتىمەن جانە تابىستى وپەراتسيالىق كىرىستەرمەن ساقتالۋدا». بۇل – «Moody’s Investors Service» حالىقارالىق رەيتينگ اگەنتتىگى ساراپشىلارىنىڭ قازاقتىڭ كىندىك قالاسىنا بەرگەن باعاسى. اتالعان اگەنتتىك استاناعا «تۇراقتىلىق» رەيتينگى بويىنشا بولجانعان ۆااز دەڭگەيىندەگى شەتەلدىك جانە ۇلتتىق ۆاليۋتاعا ەميتەنت رەيتينگىن تاعايىندادى. وسىعان وراي استانا قالاسى قارجى باسقارماسىنىڭ باستىعى بەكبول ساعىنمەن تىلدەستىك.
–«Moody’s Investors Service» حالىقارالىق رەيتينگ اگەنتتىگىنىڭ بەرگەن باعاسىنا سۇيەنسەك, ەلوردامىز بالتىق جاعالاۋى ەلدەرىنىڭ قالالارىمەن يىق تىرەستىردى. ايتىڭىزشى, بۇل رەيتينگ قالاي جۇرگىزىلەدى؟
– «Moody’s» حالىقارالىق رەيتينگ اگەنتتىگى استانا قالاسىنىڭ اكىمدىگىمەن جۇمىس جاساپ, بىزدەن بيۋدجەتتىڭ كورسەتكىشتەرىن, جالپى قانداي مىندەتتەمەلەرىمىز بار, كىرىستەرىمىز قانداي, بيۋدجەت تاپشىلىعى قانداي دەڭگەيدە قۇرىلعان – مىنە, وسى مالىمەتتەردىڭ بارلىعىن جيناقتاپ الادى. سونىڭ نەگىزىندە تالداۋ جۇرگىزىپ, باعا بەرىلدى. ياعني, بۇل رەيتينگ بىزدەگى قالىپتاسقان ەكونوميكالىق جاعداي, الەۋمەتتىك كورسەتكىشتەرگە نەگىزدەلىپ جاسالىپ وتىر.
– بۇل تەك تمد ەلدەرىنىڭ اۋماعىندا عانا جۇرگىزىلە مە؟
– تمد ەلدەرىندە عانا ەمەس, الەمنىڭ باسقا قالالارىندا دا وسىنداي رەيتينگ جۇرگىزىلەدى. تمد ەلدەرىمەن سالىستىرساق, ماسكەۋ, پەتەربور قالالارىنىڭ رەيتينگتەرى – ۆاا1. ال, اگەنتتىك قازاقستانعا ۆاا2 رەيتينگىن بەردى.
ءبىزدىڭ بۇل رەيتينگىمىز – بالتىق ەلدەرىنىڭ استانالارىمەن, سونداي-اق حورۆاتيا, يتاليانىڭ نەاپول قالاسىمەن دەڭگەيلەس. ايتا كەتۋ كەرەك, 2009 جىلى ءدال وسىنداي رەيتينگ جۇرگىزىلگەن بولاتىن. بىراق, بيىلعى كورسەتكىش 2009 جىلمەن سالىستىرعاندا ءبىر ساتىعا جوعارى.
– اتالعان اگەنتتىك رەيتينگتى شىعارعان كەزدە قالانىڭ كرەديتتىك رەيتينگىسىن دە نازارعا الادى. جالپى, ول نە ءۇشىن قاجەت؟
– كرەديتتىك رەيتينگ دەگەن – ينۆەستيتسياعا قولايلى جاعداي دەگەن ءسوز. كەز كەلگەن ينۆەستور باسقا ەلگە ينۆەستيتسيا سالۋ ءۇشىن, ارينە, سول ەل جونىندە جان-جاقتى اقپاراتتار جينايدى. سونىڭ ىشىندە Moody’s حالىقارالىق اگەنتتىگىنىڭ بەرگەن كرەديتتىك رەيتينگى استانا ءۇشىن وتە پايدالى دەپ ەسەپتەيمىز.
– نەلىكتەن؟
– ويتكەنى, قازىرگى كۇنى ينۆەستيتسيا تارتۋ – ماڭىزدى ماقساتتارىمىزدىڭ ءبىرى. جالپى ەكونوميكامىزدى جاڭعىرتۋدىڭ ناتيجەسىندە الەۋمەتتىك ەكونوميكالىق كورسەتكىشتەردىڭ بارلىعى ارتىعىمەن ورىندالدى. بيۋدجەت جونىندە ايتاتىن بولساق, وتكەن جىلى بيۋدجەتتىڭ كىرىسى دە 100% ارتىعىمەن ورىندالدى. تەك وتكەن جىلى استاناعا 570 ملرد تەڭگە كولەمىندە ينۆەستيتسيا تارتىلعان. ونىڭ 50%-دان استامى نەگىزىنەن ۇيىمداردىڭ, كاسىپورىنداردىڭ, حالىقتىڭ ءوزىنىڭ جەكە قاراجات ەسەبىنەن.
– اڭگىمەڭىزگە راحمەت!
اينۇر شوشاەۆا
