وقۋشىلار سارايىندا «ۇزدىك جاس وتباسى» بايقاۋىنىڭ فينالى ءوتتى.
سايىستىڭ ىرىكتەۋ كەزەڭىنە 70-تەن اسا وتباسى قاتىسىپ, شەشۋشى سىنعا تەك 10-ى جولداما العان. ولار اقتىق سىندا ءۇش كەزەڭ بويىنشا جارىستى. ءبىرىنشى تۋردا ءار وتباسى وزدەرىنىڭ تاريحى مەن ءومىرىن جان-جاقتى تانىستىردى. بىرەۋلەرى ءان ايتىپ, ولەڭ وقىسا, ەندى ءبىرى كرەاتيۆتى تۇسىرىلگەن بەينەروليكتەرىن كورسەتتى. ەكىنشى كەزەڭدە جۇبايلارعا بەس سۇراق جاسىرىلىپ, ءبىر-ءبىرىن قانشالىقتى جاقسى بىلەتىنى سىنالدى. ءۇشىنشى تۋردا جاستار ىممەن ءتۇسىنۋ ويىنىن وينادى.
بايقاۋ ناتيجەسى بويىنشا فيناليستەر اراسىنان ازات پەن ءاليا جۇماعۇلوۆتار ۇزدىك جاس وتباسى بولىپ تاڭدالدى. ەكىنشى ورىن ەرگەن مەن گاۋھار كەنجەعۇلوۆتارعا, ال ءۇشىنشى ورىن باقتيار مەن شاديار مۇحامبەتقاليەۆتەرگە بۇيىردى. استانا قالاسى قوعامدىق دامۋ باسقارماسىنىڭ باسشىسى دانيار ەسين ولاردى ديپلومدارمەن ماراپاتتاپ, ءبىرىنشى ورىن يەگەرلەرىنە – 200000 تەڭگە, ەكىنشى ورىنعا – 150000 تەڭگە, ءۇشىنشى ورىنعا – 100000 تەڭگە, ال قالعان قاتىسۋشىلارعا 50000 تەڭگەدەن تابىستادى.
