پرەمەر-مينيستر اسقار مامين رف ۇكىمەتى توراعاسىنىڭ ورىنباسارى مارات حۋسنۋللينمەن كەزدەستى.
تاراپتار ساۋدا-ەكونوميكا, ونەركاسىپتىك كووپەراتسيا, ترانزيتتىك-كولىك, قۇرىلىس سالالارىنداعى ىنتىماقتاس تىقتى ودان ءارى دامىتۋ, سونداي-اق قازاقستان مەن رەسەي ايماقارالىق ىنتىماقتاستىعىنىڭ XVII فورۋمى اياسىندا قول جەتكىزىلگەن جوعارى دەڭگەيدەگى ۋاعدالاستىقتاردى ىسكە اسىرۋ ماسەلەلەرىن تالقىلادى. كەلىسسوز بارىسىندا كولىك ينفراقۇرىلىمىنىڭ وزىق دامۋى, ەكى ەلدىڭ ترانزيتتىك الەۋەتىن كۇشەيتۋ جانە «باتىس ەۋروپا – باتىس قىتاي», «سولتۇستىك – وڭتۇستىك» دالىزدەرى جانە ەاەو كەڭىستىگىندەگى باسقا باعىتتار اياسىنداعى ايماقتىق كولىكتىك ءوزارا بايلانىس ماسەلەلەرىنە ەرەكشە نازار اۋدارىلدى.
اسقار مامين ينفراقۇرىلىمدى دامىتۋ جۇمىستارىن ۇيلەستىرۋ, سونداي-اق قازاقستان – رەسەي شەكاراسى ارقىلى وتكىزۋ پۋنكتتەرىن رەكونسترۋكتسيالاۋ ارقىلى كولىك الەۋەتىنىڭ تيىمدىلىگىن ارتتىرۋ قاجەت ەكەنىن اتاپ ءوتتى. رەسەي – قازاقستاننىڭ نەگىزگى ساۋدا-ەكونوميكالىق سەرىكتەسى. بيىل ەلدەر اراسىنداعى ساۋدا-ەكونوميكالىق ىنتىماقتاستىق سەرپىنى بىرتىندەپ قالپىنا كەلتىرىلىپ جاتىر. وسى جىلعى قاڭتار-شىلدە ايلارىندا ەكىجاقتى تاۋار اينالىمى $12,7 ملرد قۇرادى, بۇل 2020 جىلعى سايكەس كەزەڭىنىڭ كورسەتكىشىنەن 26,7%-عا جوعارى. قازىرگى ديناميكا ساقتالعان جاعدايدا, ەكى ەل اراسىنداعى ساۋدا كولەمى بيىل $20 ملرد-تان اسۋى مۇمكىن.
