جاڭالىقتاررۋحانيات
جاڭا جىلدىڭ شاتتىعى
ءبىراز ۋاقىتتان بەرى وتكىزىلىپ كەلە جاتقان «استانا – قايىرىمدى قالا» اكتسياسى جاڭا جىلدىق شىرشا مەرەكەسىنە ۇلاستى. «سارىارقا» ويىن-ساۋىق ورتالىعىندا مۇمكىندىگى شەكتەۋلى, كوپ بالالى جانە تۇرمىسى تومەن وتباسىنان شىققان بالالارعا ارنالعان شىرشا تويى بولدى.
اياز اتا مەن اقشاقار جانە ءارتۇرلى مۋلتفيلمدەر مەن ەرتەگىلەردىڭ كەيىپكەرلەرى قاتىسقان شاراعا 5-13 جاس ارالىعىنداعى 100-دەن اسا ءبۇلدىرشىن قاتىستى. ولارعا ءدامى ءتىل ۇيىرەر ءتاتتىلەر مەن سىيلىقتار تاپسىرىلدى.
«استانا – قايىرىمدى قالا» اكتسياسى اياسىندا وتكىزىلىپ وتىرعان بۇل شارا استانا قالاسى اكىمدىگىنە قاراستى سپورتتىق-بۇقارالىق ءىس-شارالاردى ءوتكىزۋ ديرەكتسياسىنىڭ ۇيىمداستىرۋىمەن وتكىزىلدى. قايىرىمدىلىق شاراسىنا, سونداي-اق, ەلوردالىق كاسىپكەرلەر قولداۋ كورسەتكەن.
بۇركىت نۇراسىل