فۋتبولدان قازاقستاننىڭ جاستار قۇراماسى جاڭا جىلدى «دوستاستىق كۋبوگىمەن» باستاماقشى. جىلداعى ءداستۇر بويىنشا سانكت-پەتەربۋرگتە ءوتۋى ءتيىس جارىسقا بارلىعى 12 كوماندا قاتىسادى.
قازاقستان جاستار قۇراماسى الدىن الا تارتىلعان جەرەبە بويىنشا «س» توبىنا ءتۇسىپ, وڭتۇستىك افريكا رەسپۋبليكاسى, ليتۆا جانە تاجىكستان قۇرامالارىنا قارسىلاس اتاندى.
دودا 16-25 قاڭتار ارالىعىندا وتەدى. ءار توپتان ءبىرىنشى-ەكىنشى ورىن العان قۇرامالار جانە ناتيجەسىنىڭ جوعارىلىعىنا قاراي بارلىق توپتا ءۇشىنشى كەلگەندەردىڭ ەكى ۇزدىگى شيرەك فينالعا شىعادى.
«ا» توبىندا بەلارۋس, تۇركىمەنستان, ەستونيا, فينليانديا قۇرامالارى بولسا, جەرەبە مولدوۆا, قىرعىزستان, رەسەي جانە لاتۆيا قۇرامالارىن «ۆ» توبىنا سالىپ بەردى.
