Астана құрамасы күміс алды
Астанадағы «Сарыарқа» велотрегінде еліміздің үздік командаларының қатысуымен велоспорттан республикалық жарыс өтті.
Бұл бәсекеге Астана, Алматы қалалары мен Жамбыл, Қарағанды, Алматы, Павлодар, Қызылорда, Шығыс Қазақстан, Қостанай, Оңтүстік Қазақстан, Солтүстік Қазақстан және Батыс Қазақстан облыстарынан барлығы 13 команда қатысты.
Астана командасының құрамында 18 спортшы болды. Бес күнге созылған велододаның қорытындысы бойынша елордалық спортшылар 6 алтын, 1 күміс, 5 қола медальге қол жеткізді. Жалпы командалық есепте Астана командасы 677 ұпай жинап, екінші орынға табан тіреді. Бірінші орында 796 ұпай жинаған Қарағанды облысының командасы болса, үшінші орын 529 ұпайды иеленген Алматы облысының велошабандоздарына бұйырды.
Жарысқа Астана қаласының құрамасын ҚР еңбегі сіңген жаттықтырушы Владимир Березин дайындаған болатын. Енді астаналықтар 2013 жылдың17-23 маусымы аралығында Талдықорған қаласында өтетін жарыста бақ сынамақ.
Ербол ЖАНАТ