Елорда оқушылары ерледі
Жақында Алматы қаласында ҚР Білім және ғылым министрлігі мектеп оқушылары арасында ұйымдастырған X халықаралық Еуразия олимпиадасы мәресіне жетті. Бұл білім сайысы Санкт-Петербургтің оптика және механика, ақпараттық технологиялар ұлттық зерттеу университетімен бірлесе өткізілді.
Жас дарындылар бәсекесінде Астана қаласының оқушылары үлкен жетістікке қол жеткізді. Атап айтқанда, құрамында Жан Құрбанбаев, Аманбол Қанатұлы және Манас Мәулен секілді оқушылар топтасқан елордалық «Spectrum: impulse» командасы I дәрежелі диплом және алтын медаль жеңіп алды. Сондай-ақ олар ХІХ Бүкілресейлік командалық бағдарламалау бойынша олимпиадасының күміс жүлдегері атанды.
Жалпы, биыл Астана оқушылары көптеген пәндік және интеллектуалды жарыстарда бақ сынап, үздік нәтижелер көрсетті.