Қоғам
ЕЛОРДАЛЫҚТАР ТОП ЖАРДЫ
Астанадағы №8 орта мектеп оқушылары «Сатылай кешенді оқыту технологиясы – тұлғаның қажеттіліктерін қанағаттандырудың тиімді жолы» атты республикалық форум мен Кіші Ғылым академиясы ұйымдастырған «Тілім менің – тірлігімнің айғағы» атты олимпиададан жүлделі оралды.
Байқауға аталмыш мектептегі 2 «ә» сыныбының «Ақжелкен» тобы мен 3 «ә» сыныбының «Болашақ» тобы қатысты. Олар қазақ тілі, әдебиеттік оқу, дүниетану, математика пәндерінен сынға түсіп, жоғары көрсетішке қол жеткізді.
Нәтижесінде 8 шәкірттен жасақталған елордалық команда бас жүлдені қанжығаға байлады.
Форум барысында осы мекеменің мұғалімдері Гүлсім Ахметова мен Айгүл Аймаханова шеберлік сыныптарын өткізіп, үздік деп танылды.
Ботагөз ИКРАМОВА