TÜRKISTAN OBLYSY
Qazaqstan Prezidentı Äkımşılıgınıŋ kelısımımen Türkıstan oblysy äkımınıŋ būiryǧyna säikes Qairat Nükenov Türkıstan oblysy äkımınıŋ bırınşı orynbasary lauazymyna taǧaiyndaldy. Ol būǧan deiın Pavlodar oblysy Ekıbastūz qalasy äkımı qyzmetın atqarǧan.
PAVLODAR OBLYSY
Aqquly audanynda Abai Qūnanbaiūlynyŋ tuǧan künıne orai «Abai mūrasy – halyq qazynasy» atty oblystyq jas aqyndar aitysy öttı. Aitysta oblystyŋ är öŋırınen jas aqyndar qatysyp, baq synasty. Qazylar alqasynyŋ şeşımımen bas jüldenı Altai Qadyrbek ielenıp, 1-oryn – Nūrbek Bäkırge, 2-oryn – Aibek Oralhanǧa, 3-oryn Marǧūlan Janbauǧa būiyrdy.
QYZYLORDA OBLYSY
Sport künı qarsaŋynda Qyzylorda qalasynda Qazaqstan Respublikasy auyl jasöspırımderınıŋ jazǧy sport oiyndary ötedı. Auyl jasöspırımderınıŋ respublikalyq jazǧy sport oiyndary tört jylda bır ret ötkızıledı. Biylǧy dodada respublikanyŋ 14 oblysynan 2000-ǧa juyq auyl sportşylary şeberlık baiqasady.
ATYRAU OBLYSY
Äuesqoi balyqşylar Jaiyq jaǧalauynan 15 tonna qoqys jinady. 20 erıktı temırjol köpırınen ainalma jol köpırıne deiıngı 700 metrlık jaǧalaudy tazartqan. «Balyqshy Atyrau 1» äuesqoi balyqşylar kluby ūiymdastyrǧan aksiia, negızınen, halyqtyŋ ekologiialyq tärtıbın saqtauǧa, sudyŋ lastanbauyna, demalys mausymy kezınde jaǧalau aimaǧyn jaqsartuǧa baǧyttalǧan.
QARAǦANDY OBLYSY
Oblys ortalyǧyndaǧy №3 emxanada pediatriia ortalyǧy aşyldy. Ortalyqta 16 därıger jūmys ısteidı. Olar jaŋa tuǧan säbilerden bastap alty jasqa deiıngı 8000 balanyŋ densaulyǧyn baqylaidy.
SOLTÜSTIK QAZAQSTAN OBLYSY
Oblysta bır jūmyskerdıŋ ortaşa ailyq jalaqysy 113336 teŋgenı qūrady. Salalyq qūrylym boiynşa eŋ joǧarǧy jalaqy tau-ken önerkäsıbı jäne karer öŋdeu salasyna tiesılı. Būl salanyŋ jūmyskerlerı orta eseppen 220 myŋ teŋge jalaqy alady.
ŞYǦYS QAZAQSTAN OBLYSY
2018 jyldyŋ qyrküiegınen bastap öŋırdegı 3, 6, 8-synyptar jaŋa oqu baǧdarlamasyna köşedı. Soǧan orai, oblysta atalǧan synyptarda oqityn oquşylar üşın 1481133 dana oqulyqqa tapsyrys bergen. 15 tamyzǧa deiın oblystyŋ barlyq mektebı jaŋa oqulyqtarmen qamtamasyz etıledı.
