Elorda äkımı Altai Kölgınov 10 otbasyn onlain qabyldady.
«Eldı mekenderdı aralap, tūrǧyndarmen kezdesumen qatar, apta saiyn azamattardy qabyldap tūramyz. Bügın kezektı ret onlain formatta 10 otbasyn qabyldadym. Qabyldau barysynda qoiylǧan sūraqtardyŋ basym bölıgı erekşe qajettılıgı bar adamdarǧa kömek körsetuge qatysty boldy. Jyldan-jylǧa oŋaltu ortalyqtarynyŋ jelısı keŋeitılıp, mektepterde inkliuziia kabinetterı aşylyp jatyr. Sol siiaqty jaŋa tūrǧyn üi keşenderınıŋ bırınşı qabatynda oŋaltu, şaǧyn ortalyqtaryn ornalastyryp jatyrmyz.
Byltyr köru qabıletı būzylǧan balalarǧa arnalǧan mamandandyrylǧan balabaqşa aştyq (Kenesary köşesı, 9/1, Saryarqa audany). Balabaqşada pedagogtarmen qatar medisina qyzmetkerlerı de balalarmen jūmys ısteidı. Erekşe qajettılıgı bar adamdardy äleumettendıru üşın inkliuzivtı «Qanattylar» teatry aşyldy. Sondai-aq paralimpiadalyq jattyǧu ortalyǧymen bırlesıp, erekşe qajettılıgı bar adamdarǧa arnalǧan sport keşenın salamyz, al oŋaltu ortalyqtary jelısın keŋeitu boiynşa jūmys jalǧasyp jatyr. Azamattardy qabyldauda köterılgen mäselelerdı josparymyzǧa engızemız» dedı A.Kölgınov.
