Elorda äkımdıgı soŋǧy jyldary şahardyŋ densaulyq saqtau mekemelerın zamanaui qalypqa sai üi-jailarǧa ornalastyrylu ısıne airyqşa män berude.
Osyǧan orai №2 qalalyq emhananyŋ balalar bölımşesı Jeltoqsan köşesı, 34-üidegı būrynǧy №1 qalalyq balalar auruhanasynan bosaǧan ǧimaratqa qonys teptı.
Al, būryn-soŋdy nauqas balalardyŋ köptıgınen oryn tapşylyǧyn sezınıp kelgen №1 balalar auruhanasynyŋ enşısıne Täuelsızdık daŋǧyly 11/1 mekenjaiyndaǧy keŋ de jaryq ǧimarat tidı.
Aita keterlık jait, qalamyzda balalardy emdeuge mamandanǧan ekı auruhana bar. №1 qalalyq balalar auruhanasy – 120 tösek orynǧa arnalǧan köp beiındı stasionar. Mūnda, äsırese, tuabıttı dımkästıkke şaldyqqan, şala-jansar tuǧan, nevrologiialyq patologiiasy bar balalardy emdeitın bılıktı därıgerler qyzmet etedı. Al, Qoşqarbaev köşesındegı 4 mamandandyrylǧan stasionarlyq bölımşe jäne 9 paraklinikalyq (kömekşı) bölımşelerı bar №2 qalalyq balalar auruhanada negızınen 15 jasqa deiıngı jasöspırımderge em-dom jasalady.
