Respublika aumaǧynda jyl saiyn ükımet, jergılıktı äkımdıkter men bılım basqarmalary jaŋa oqu jylynda barşa büldırşınderdıŋ tolyq mektepke baruyn qamtamasyz etıp, oqu qūraldary men kiım-keşekterın aluyna jaǧdai jasau maqsatynda «Mektepke jol» aksiiasyn ūiymdastyryp keledı.
İmam Būhari men imam Müslımnen kelgen hadiste paiǧambarymyz (s.ǧ.s.): «Jesır men jetımge kömektesu Allah jolynda jihad qylǧanmen teŋ» degen. Al İmam Majähdan jetken hadiste Allah elşısı (s.ǧ.s.): «Jetım men jesırdıŋ as-suy men kiım-keşegı üşın ıstegender Alla jolynda jihad qylǧan ärı tünın namaz oqyp, kündızın oraza ūstaumen ötkızgen adam siiaqty» deidı. Asyl dınnıŋ kesımı men el damuynyŋ negızgı maqsatynyŋ bır baǧytta ekendıgın baiqatqan sondai bır igı şara elordamyzdyŋ aişyqty üş meşıtınde ötkızılıp, onda jaŋa oqu jylyn asyǧa kütken büldırşınderge qajettı oqu jabdyqtary taratyldy.
Mektep oquşylarynyŋ saǧyna kütken mausymynda ata-analar balalaryna mektepke qajettı oqu qūraldary men kerek-jaraqtaryn, kiım-keşekterın äzırleuge köşedı. Būl kezde joqşylyq qolyn bailap, osy köşten keiındeu qalatyn otbasylar da bar ekenın eske salǧan Qazaqstan mūsylmandary dıni basqarmasynyŋ Astana qalasy boiynşa ökıl imamy Nauryzbai qajy Taǧanūly osyndai ızgı ıske atsalysyp, qol sozǧan azamattardyŋ el ışınde az emes ekendıgın aitty.
Būl keşte büldırşınderdıŋ riiasyz quanyşyna bölengen ata-analar da rizaşylyqtaryn jasyra almai, igı ıske mūryndyq bolǧan barşa azamattarǧa, atalmyş şarany ötkızuge ūiytqy bolǧan Qazaqstan mūsylmandary dıni basqarmasynyŋ Astana qalasy boiynşa ökıldıgıne, barşa dın qyzmetkerlerıne alǧystaryn bıldırdı.
Biylǧy «Dın men dästür jyly» aiasynda müftiiat aiqyndap bergen tört baǧytty ıske asyru maqsatynda QMDB-nyŋ Astana qalasy boiynşa ökıldıgı, «Nūr Astana» ortalyq meşıtı «Meiırımdılık mekenı» jobasyn qolǧa alyp, jūmys jürgızıp kele jatqanyna da bırtalai uaqyt boldy. El igılıgıne qyzmet etudı basty mındetıne ainaldyrǧan elordanyŋ ortalyq meşıtı respublikalyq aksiiaǧa özındık üles qosudy maqsat tūtyp, jyl saiyn aituly aksiia aiasynda qaiyrymdylyq şaralaryn ūiymdastyryp keledı. Büldırşınderge quanyş syilaǧan osy aksiia da «Meiırımdılık mekenı» jobasy aiasynda ötkızılıp otyr. Respublikalyq deŋgeide qolǧa alynǧan aksiia aiasynda «Nūr Astana» ortalyq meşıtı men «Äzıret Sūltan» meşıtınde 250 oquşy, «Ǧylmani» meşıtınde 100 büldırşın, jalpy sany 700-den asa bala mektep formasy, oqu qūraldarymen qamtamasyz etıldı.
Jaiyq NAǦYMAŞ
