Jeltoqsannyŋ alǧaşqy künderınen tolassyz jauǧan qar men aqtütek boran jol qozǧalysyna kedergı keltırgenmen, arnaiy tehnikalar jappai jūmyldyrylyp, tazalyq jūmystary uaqytyly jürgızılude. Osy turasyndaǧy män-jaidy Astana qalasy Kommunaldyq şaruaşylyq basqarmasy basşysynyŋ orynbasary Timur Äbijanov aityp berdı.
– Qalany qardan tazartu üşın qandai jūmystar jürgızılude?
– Qazır elordanyŋ kommunaldyq qyzmetkerlerı kündız-tünı jūmys ıstep jatyr. Qar jauǧan saiyn köşeler tazartylyp otyrady. Tehnologiialyq üderıs boiynşa qospa töseu, sypyru jäne qar küreu, olardy syrtqa şyǧaru siiaqty jūmystar uaqytymen atqarylady. Qar tazalaityn tehnikalar täulık boiy jūmys ısteidı. Olar qala köşelerındegı qardy kürep, gülzarlar men joldardyŋ jiekterın tazalap otyrady. Qys mausymy bastalǧaly qala boiynşa 400 myŋ tekşe metrden astam qar şyǧaryldy.
– Qar tazalaityn qanşa tehnika bar?
– 822 mamandandyrylǧan tehnika, 1500-den astam jūmysşy bar. Almaty audany boiynşa 44 merdıger künı-tünı jūmys ısteude. Esıl audanynda 22 merdıger, Saryarqa audanynda 24 merdıger qol ūşyn berude.
– Köktaiǧaqtan saqtanu şaralary qarastyrylǧan ba?
– Ärine. Ol üşın arnaiy qūm-tūz qospalaryn qoldanamyz. Köktaiǧaq bolǧan jaǧdaida osylar jol üstıne sebıledı.
Erkejan SÄTIMBEK
