«Jyl volonterı» halyqaralyq syilyǧyn taǧaiyndauǧa arnalǧan konkurs ötedı
Halyqaralyq syilyq äleumettık jäne qoǧamdyq paidaly mındetterdı şeşuge üles qosqan volonterler men volonterler tobyn, otandyq jäne halyqaralyq volonterlık ūiymdardy kötermeleuge baǧyttalǧan.
Baiqauǧa ümıtkerler älemnıŋ tükpır-tükpırınen qatysa alady. Ol üşın qazvolunteer.kz internet-platformasynda ötınım berıp, volonterlık qyzmetı turaly derekterdı toltyru qajet. Ötınımderdı qabyldau 2021 jylǧy 1 qazan saǧat 09.00-den bastaldy jäne 2021 jylǧy 20 qazan saǧat 18.30-ǧa deiın jalǧasady.
Baiqau ekı kezeŋde ötedı:
bırınşı – qazvolunteer.kz internet-platformasynda aşyq onlain-dauys beru,
ekınşı – eŋ köp dauys jinaǧan jäne ekınşı kezeŋge ötken qatysuşylardy Konkurstyq komissiia baǧalaidy.
Nätijesınde kelesı nominasiialardyŋ ärqaisysy boiynşa üş ümıtker jeŋımpaz bolyp tanylady:
- «Üzdık volonterlık ūiym»
- «Korporativtık volonterlık köşbasşysy»
- «Koronavirustyq infeksiiamen küreske qatysqany üşın»
- «Tūraqty damu maqsattarynyŋ köşbasşylary»
- «Üzdık äleumettık kömekşı»
- «Tötenşe jaǧdailardy joiuǧa belsendı qatysqany üşın»
- «Habar-oşarsyz ketken adamdardy ızdeuge belsendı qatysqany üşın»
- «Qūqyq būzuşylyq qūrbandaryna kömek körsetuge belsendı qatysqany üşın»
- «Densaulyq saqtaudy damytuǧa belsendı qatysqany üşın»
- «Salauatty ömır saltyn nasihattauǧa belsendı qatysqany üşın»
- «Bılımdı därıpteuge qosqan ülesı üşın»
- «Qorşaǧan ortany saqtauǧa jäne qorǧauǧa qosqan ülesı üşın»
- «Beibıtşılıktı, dostyq pen kelısımdı nyǧaituǧa qosqan ülesı üşın»
- «Tarihi-mädeni mūrany saqtauǧa jäne damytuǧa qosqan ülesı üşın»
- «Zoologiialyq qorǧau mäselelerın şeşuge qosqan ülesı üşın»
- «Äleumettık mındetterdı şeşuge qosqan ülesı üşın».
«Jyl volonterı» halyqaralyq syilyǧyn beru qaǧidalary QR Aqparat jäne qoǧamdyq damu ministrlıgınıŋ internet-resurstarynda ornalastyrylǧan.
Konkurstyŋ tolyq şarttarymen myna sılteme boiynşa tanysuǧa bolady.
Esterıŋızge sala keteiık, QR Prezidentı Qasym-Jomart Toqaev 2020 jyldy Qazaqstandaǧy erıktıler jyly dep jariialady.
Jyl boiy volonterlık jūmysqa 100 myŋnan astam adam qatysty. Volonterlıktıŋ jaŋa baǧyttary da tiımdı damydy. Memleket basşysy bei-jai qaramaityn tūrǧyndary köp eldı jarqyn bolaşaq kütıp tūrǧanyna, al volonterlık jūmys barlyq azamattar üşın ülgı bolatynyna jäne Ūlttyŋ jaŋa kelbetın qalyptastyruǧa üles qosatynyna senım bıldırdı.
«Birgemiz» jalpyūlttyq bastamasy qysqa merzım ışınde pandemiianyŋ kürdelı kezeŋınde mūqtaj adamdarǧa qajettı qoldau körsetken köptegen janaşyr otandastardy bırıktırdı. Bastama aiasynda ıske qosylǧan «Qamqor», «Saulyq», «Sabaqtastyq» jobalary jüzdegen myŋ azamattarǧa kömektestı. «Taza Alem» erıktıler qozǧalysynyŋ özenderdı, ormandardy tazartu, aǧaş otyrǧyzu, qoqysty sūryptau boiynşa qyzmetı keŋ qoldau tapty.
Prezident volonterlık ūiymdardy qoldau jäne olarǧa arnaiy granttar bölu jönındegı jūmysty jalǧastyru qajettıgın atap öttı.
Qazırgı uaqytta elımızde 200-den astam erıktıler ūiymy jūmys ısteidı, olarǧa 50 myŋnan astam belsendı erıktıler qatysady.
