Партиялық бағдарлама пәрмені
Қала тұрғындары санының артуымен қажеттіинженерлік-инфрақұрылымға деген сұраныс та өсті. Осы орайда елордада Nur Otan партиясының 2025 жылға дейінгі сайлауалды бағдарламасы аясында жаңа сорғы-сүзгі стансасының құрылысы бойынша ауқымды жоба қолға алынды.
Қала тұрғындарының ауыз суға сұранысын қамтамасыз ететін сорғы-сүзгі стансасында 17 шақырымдық су тартқышы бар. Бұл станса қаланың сол жағалауындағы тұрғын үй кешендерімен бірге Мыңжылдық аллеясын да ауыз сумен қамтамасыз етуге қабілетті.
Жалпы «Өзгерістер жолы: әр азаматқа лайықты өмір!» деп аталатын сайлауалды бағдарламасы аясында қаламен бірге қала маңындағы елді мекендерге жалпы ұзақтығы 130 шақырым болатын сумен жабдықтау және су бұру желілері тартылмақ. Сондай-ақ 2025 жылға дейін қала тұрғындарының сапалы өмір сүруін қамтамасыз ету үшін 85 шақырымдық нөсер кәрізінің де құрылысы қатар жүргізілді.
Бүгінге дейін қаланы әлеуметтік-экономикалық дамытумен бірге инженерлік инфрақұрылымды жетілдіруді қамтитын жетекші партияның көпжылдық бағдарламасындағы 44 пункт бойынша жоспар толықтай жүзеге асқан. Жыл соңына дейін 84 пунктті іске асыру жоспарланған.