Бүгін сағат 20.00-де «Астана-Арена» стадионында жергілікті «Астана» футбол клубы мен белоруссиялық «Батэ» командасы арасында УЕФА Еуропа лигасының плей-офф матчы өтеді.
Осыған байланысты қала көшелерінде қозғалыс шектеледі. Атап айтсақ, кездесу соңына дейін Қабанбай батыр және Тұран даңғылдары Керей мен Жәнібек хандар көшесінен Хусейн бен Талал көшесіне дейінгі аралық жабылады. Көлік иелері Орынбор көшесі арқылы діттеген жеріне жете алады.
Жанкүйерлерге ыңғайлы болуы үшін сағат 18.00-де бес жерден қозғалатын арнайы рейстер (шаттлдар) ұйымдастырылады. Стадионға бару үшін «Қазақстан» спорт кешені, «Әзірет Сұлтан» мен «Нұр Астана» мешіттері, Астаналық цирк және Қажымұқан Мұңайтпасов атындағы стадион жанындағы тұрақтардан арнайы автобустарға мініп кетуге болады.
Матч аяқталған соң жанкүйерлер шаттлдарға Қабанбай батыр даңғылының бойындағы «Астана-Арена» стадионының тұрағынан және аялдамадан отырып, қайта алады.
