Сіздерді 1 желтоқсан – Қазақстан Республикасының Тұңғыш Президенті күнімен шын жүректен құттықтаймын!
Бұл – тәуелсіздік алып, жеке мемлекет ретінде алғаш рет жалпыұлттық сайлауда Тұңғыш Президентімізді сайлаған тарихи күн. Осы жылдар арасында Елбасы Нұрсұлтан Әбішұлы Назарбаев қалыптастырған стратегиялық саясаттың нәтижесінде тәуелсіз еліміз тұрақты, бейбітсүйгіш мемлекет ретінде әлемге танылды.
Айдынды әлемде айшықты көрінетін елордамыздың жетістіктері де қаламыздың бас сәулетшісі – Елбасының есімімен байланысты. Тұңғыш Президент күні мерекесін атап өту – жаңа тарихымыз бен тәуелсіздігімізге деген құрмет.
Мерейлі мерекелеріңізбен құттықтай отырып, дендеріңізге саулық, отбастарыңызға амандық, бақ-береке тілеймін!
Құрметпен,
Алтай Көлгінов,
Нұр-Сұлтан қаласының әкімі
