Қ.Қуанышбаев атындағы Мемлекеттік академиялық қазақ музыкалық драма театрында биыл 100-ден аса шара өтті. Бірқатары пандемияға дейін ұйымдастырылды.
Фариза Оңғарсынова туралы «Сенің махаббатың» поэтикалық кеші, Айнұр Бермұхамедованың «Айнұр әлемі» атты кеші және Ұлы Жеңістің 75 жылдық мерейтойына орай Тілектес Мейрамовтың «Майдан әндері» атты спектаклі болды. Карантин кезінде көрерменге онлайн форматта телеарна арқылы 24 спектакль ұсынылды. Одан бөлек, театр ұжымы онлайн форматта көпшілікпен үндесіп, түрлі шаралар, жекелеген эфирлер өткізді. Талай жыл алдыңғы толғын аға-әпкелеріміздің арманы орындалып, жаңа зәулім ғимаратқа көштік. 26 қараша күні Елбасының қатысуымен театр ашылды. Одан бері де түрлі шара өтіп жатыр. Жалпы, биыл театр ұжымы 100-ден аса шара өткізді» деді Қ.Қуанышбаев атындағы Мемлекеттік академиялық қазақ музыкалық драма театрының көркемдік жетекшісі, ҚР еңбек сіңірген қайраткері Қуандық Қыстықбаев.
