Елімізде алғаш аталып отырған Абай күні – «Астана Опера» театры ұлттық классикамыздың інжу-маржанына айналған, заңғар жазушы Мұхтар Әуезов либреттосын жазған Ахмет Жұбанов пен Латиф Хамидидің «Абай» операсын Tengri TV-ден және «Абай ТВ» телеарнасынан жұртшылыққа ұсынды.
Еліміздегі бірегей өнер ордасының басшысы, Қазақстанның еңбек сіңірген қайраткері Ғалым Ахмедьяров өз сөзінде «Астана Операның» үздік қойылымдарының біріне айналған «Абай» операсы үшін театр ҚР Мемлекеттік сыйлығына ие болғандығын айтып өтті.
