Целиноград қаласы. 1985 жылдың шілде айы. Байырғы қала тұрғыны Валерий Киценко қызы Наташамен бірге суға шомылуға Есіл өзеніндегі жағажайға келіпті.
Осы кезде елмен бірге ыстықтан қорғанып, суға шомылып жатқан оларды күйеу баласы Игорь көпірдің үстінде тұрып суретке түсіріп алыпты.
– Бұл енді балалардың жаз бойы суға түсіп, күнге күйіп, ойнайтын шаһардағы жалғыз орны еді. Сондықтан біз оны «балалар жағажайы» деп атайтынбыз, – деп еске алады Валерий Сергеевич.
Қазір, әрине, заман өзгерді. Астана қаласында рұқсат етілген үш жағажай бар. Бірақ оларға кіру ақылы болғандықтан, балалар тек ата-анасымен немесе үлкендерге ілесіп келіп шомыла алады.
