«Нұр Отан» ХДП жанындағы Парламентаризм институты «Қазақстан Республикасының Президенті Н.Назарбаевтың Қазақстан халқы Ассамблеясының сессиясында сөйлеген сөзімен таныстыңыз ба?» деген сұрақ төңірегінде сауалнама жүргізді.
Нәтижесінде респонденттердің 76 пайызы «ия, таныспын» деп жауап берді. Нақты айтқанда олардың 61 пайызы Елбасы сөзін теледидар арқылы бастан-аяқ тыңдаған, 23 пайызы теледидар жаңалықтары арқылы естіген, 7,2 пайызы интернеттен оқыған,4 пайызы радиодан тыңдаған, ал, 3,8 пайызы газеттен оқыған.
Сауалнамаға республиканың 14 облысы мен Астана, Алматы қалаларында тұратын жасы 18- ден асқан 1120 адам қатысқан.
