بۇگىندە استانا قالاسىندا بارلىعى 6 مىڭنان استام كامەرا بار. ونىڭ 600-دەن استامى تۇرعىنداردىڭ تىلەگىمەن ورناتىلىپتى. ال 3 مىڭنان استام پاتەرگە كۇزەت قويىلعان.
قوعامنىڭ تىنىشتىعىن كۇزەتىپ, قىلمىستىڭ الدىن الۋ – كەز كەلگەن پوليتسيانىڭ باستى ماقساتى. كەيىنگى كەزدە ءتارتىپ ساقشىلارىنا ەلوردا تۇرعىندارى دا ەرىكتى تۇردە كومەكتەسىپ, ءبىرتالاي قۇقىق بۇزۋشىلىقتى انىقتاۋعا سەپتىگىن تيگىزگەن.
ءتارتىپ ساقشىلارىنىڭ ايتۋىنشا, جۇرتشىلىقتىڭ كومەگى بولماسا, قىلمىسپەن كۇرەسۋدە ۇلكەن ناتيجەگە جەتۋ مۇمكىن ەمەس. ءارى تۇرعىندارمەن تىعىز بايلانىس ورناتۋ ولاردىڭ پوليتسياعا دەگەن سەنىمىن ارتتىرا تۇسپەك. بۇعان قوسا, قوعامنىڭ بەلسەندىلىگى قالادا ءتارتىپتىڭ ورنىعۋىنا دا كومەگى مول.
قازىرگى تاڭدا ءوز ەرىكتەرىمەن قىلمىستى انىقتاپ, وقيعا تۋرالى جەدەل پوليتسيا قىزمەتىنە حابارلاسقاندار كوبەيگەن. ولاردىڭ قاتارى كۇن ساناپ ارتىپ كەلەدى دەيدى ءىىد ماماندارى.
بۇگىندە ساقشىلار «سالەمەتسىز بە, مەن ءسىزدىڭ پوليتسيا ينسپەكتورىمىن» اتتى اكتسيا اياسىندا تۇرعىندار اراسىندا ۇرلىقتىڭ الدىن الۋ, اۋلالار مەن كىرەبەرىستەردە بەينەكامەرا, دابىل قاعۋ قۇرىلعىلارىن ورناتۋ ارقىلى قاۋىپسىزدىكتى ساقتاۋ جونىندە ءتۇسىندىرۋ جۇمىستارى جۇرگىزىلگەن.
قولعا الىنعان وسى جۇمىستاردىڭ ارقاسىندا 326 بەينەباقىلاۋ كامەراسى ورناتىلعان. ونىڭ 188-ءى تۇرعىنداردىڭ باستاماسى ەكەن. سونىمەن قاتار, تۇرعىن ءۇي اۋلالارىنا 95 كامەرا ورناتىلسا, ونىڭ 65-ىندە جۇرتشىلىق باستاما كوتەرگەن.
قازىرگى تاڭدا قالانىڭ 191 كىرەبەرىسى بەينەكامەرا قۇرىلعىسىمەن جابدىقتالعان. ال, دابىل قاعۋ قوندىرعىسى 45 پاتەرگە ورناتىلعان.
قىمبات توقتامۇرات
