Eلوردالىق دارىگەرلەر رەسپۋبليكالىق رەفەرەندۋم وتكىزۋدى تالقىلادى. قالالىق كلينيكا باسشىلارى مەن بەيىندى باسقارما باسشىلىعىنىڭ قاتىسۋىمەن وتكەن جينالىستىڭ باستى تاقىرىبى الداعى رەسپۋبليكالىق رەفەرەندۋم بولدى.
اكىمدىكتە قالالىق كلينيكالار ديرەكتورلارىمەن بىرگە ەلىمىزدىڭ باستى قۇجاتىنا وزگەرىستەر مەن تولىقتىرۋلار ەنگىزۋ جونىندەگى رەفەرەندۋمنىڭ ءرولى تالقىلاندى.
ەلوردالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ كونستيتۋتسيالىق رەفورمانىڭ نەگىزگى باعىتتارىنا توقتالدى. «بۇل شىن مانىندە «جاڭا قازاقستاننىڭ» قالىپتاسۋىنداعى باستى ساياسي وقيعا. مەملەكەت باسشىسى قاسىم-جومارت توقاەۆتىڭ رەفەرەندۋم وتكىزۋ تۋرالى شەشىمى ەلدىڭ ساياسي ومىرىندە عانا ەمەس, قوعامدىق ومىرىندە دە ماڭىزدى بولىپ تابىلادى. رەفەرەندۋم ءبىزدىڭ ازاماتتىق ۇستانىمىمىزدى نىعايتۋعا مۇمكىندىك بەرەدى. ەلدەگى قوعامدىق-ساياسي جاعدايعا جاعىمدى اسەر ەتەدى. مەديتسينالىق قوعامداستىقتى الداعى ساياسي وزگەرىستەر ماسەلەسىندە شەتتە قالماۋعا جانە ءوز داۋىسىن بەرۋگە شاقىرامىن» دەدى باسقارما باسشىسى.
جۇمىس جينالىسىندا كونستيتۋتسيالىق رەفورمالاردى تالقىلاۋدان باسقا, دەنساۋلىق ساقتاۋ جۇيەسىندەگى اعىمداعى ماسەلەلەردى تالقىلادى, قالانىڭ مەديتسينالىق ۇيىمدارىنىڭ, سونىڭ ىشىندە جەكەمەنشىك ۇيىمداردىڭ جۇمىسىنىڭ نەگىزگى باعىتتارىنا توقتالدى. COVID-19-عا قارسى ۆاكتسيناتسيا ماسەلەسىنە ەرەكشە نازار اۋدارىلدى. بۇعان دەيىن دەنساۋلىق ساقتاۋ مينيسترلىگى كوروناۆيرۋستىڭ جاڭا شتامدارىنىڭ اينالىمى تۋرالى ايتقان بولاتىن.
قالا تۇرعىندارىن ۆاكتسيناتسيالاۋعا جانە دەنساۋلىعىنا جاۋاپكەرشىلىكپەن قاراۋعا شاقىرادى. بۇگىنگى كۇنى قالا بويىنشا 500 مىڭعا جۋىق تۇرعىن يممۋنداۋدىڭ تولىق كۋرسىنان ءوتتى, شامامەن 128 مىڭ ادام قايتا ۆاكتسيناتسيالاندى.
