ASTANA СLUB: Болашақты қалай құрамыз?
13-14 қарашада Назарбаев орталығында «Астана клубының» төртінші отырысы өтеді. Онда «2019 жылғы Еуразиядағы жаһандық сын-қатерлердің рейтингісі» халықаралық зерттеуі таныстырылады.
«Астана клубының» басты миссиясы – жаһандық беталыстарды талқылау және дүние жүзі мен Еуразия аймағына әсер ететін ең маңызды мәселелердің шешімін іздеу, сондай-ақ әлемдік саяси-сарапшылық аудиторияға Қазақстанның ресми ұстанымын таныстыру. Биылғы «Астана клубының» жұмысына әлемнің 30 елінен, соның ішінде Австрия, Ауғанстан, Бельгия, Мысыр, Италия, Қырғызстан, Пәкістан, Польша, Португалия, Ұлыбритания, Үндістан, Индонезия, Иран, Испания, Қытай, Норвегия, Ресей, Сербия, Словения, Хорватия, АҚШ, Швеция және Жапония сияқты елдерден 50-ден астам спикер қатысады.
Клубтың панельдік отырыстарында Үлкен Еуразия болашағының түрлі сценарийлері, Еуразиялық экономикалық одақтың «Белдеу және жол» бастамасының даму перспективасы, сондай-ақ Орталық Азиядағы трансформацияның заманауи үдерістері қарастырылатын болады. Ұйымдастырушылар – ҚР Тұңғыш Президенті – Елбасы қоры және Елбасы қоры жанындағы Әлемдік экономика және саясат институты.