Елордадағы «Сарыарқа» спорт кешенінде ВТБ бірыңғай лигасының кезекті маусымы басталды. «Астана» баскетбол клубы Саратов қаласынан келген «Автодор» командасын қабылдады.
Өліспей, беріспеген кездесудің тағдыры соңғы айналымда шешілді. Қос команда бірінші кезеңде терезе тең ойын көрсетті. Есеп – 25:25. Екінші кезеңде де ойын осылай өрбіді десек болады. Нәтиже – 18:20. Үшінші кезеңде алға ұмтылған қонақтар 16:19 есебімен сәл басымдық танытты.
Ал соңғы кезеңде алаң иелері барынша жинақы ойнап, жеңісті жұлып кетті. Жалпы есеп – 83:78.
Сөйтіп, «Астана» турнирді сәтті бастады. Елордалық команданың сапында ең жақсы нәтиже көрсеткендер – америкалық Иан Миллер мен Усман Крубалли.
