Қазақстан кәсіподағының 110 жылдығы аясында Астана қалалық Балалар үйінде «Жүректен – жүрекке» атты қайырымдылық акциясы өтті.
Бүгінде аталған мекемеде 162 бала тәрбиеленуде. Акция кезінде тәрбиеленушілердің спортпен шұғылданып, уақыттарын тиімді өткізулері үшін велосипед пен өзге де спорттық саймандар, сонымен бірге планшеттер сыйға тартылды.
Н.Алтай, Қ.Қырықбаева, Р.Сатаев сынды әншілер мен І.Рахманқұлов, И.Овсейчик сияқты сиқыршылар және Олег, Артем, Магомед есімді бишілер өз өнерлерімен қайырымдылық акциясына үлкен қолдау көрсетті.
Мәдени шараның екінші бөлімі «Ақ бота» қуыршақ театрының қойылымымен жалғасын тапты. Мұнда 10 жасқа дейінгі бүлдіршіндер «Өтірікші» және «Дымбілмес» ертегілерін тамашалап, танымал мульт кейіпкерлерінің қызықты ойындарына қанығып, шексіз қуанышқа кенелді.
Ұ. ШОРАЕВА
