Қазақстан Республикасы кәсіподақ қызметкерлері күніне орайластырылған бұқаралық мереке-думан өтті. Елорда әкімдігінің қолдауымен өткен мереке бағдарламасы ауқымды болды.
Қала тұрғындары мен меймандары мерекелік дастарқаннан дәм татып, спорт сайыстарына қатысты. Мереке соңы концертке ұласты. Осы күні кәсіподақ қатарына кіруге өтініш бергендердің де саны аз болмады. Жиналған қауым алдында ҚР Кәсіподақтар федерациясының төрағасы Ә.Құсайынов сөз сөйледі. Ол саладағы өзгерістерге тоқталып, «Кәсіптік одақтар туралы» Заң жобасы Парламент қарауына жіберілгені жөнінде айтты.
Қазіргі уақытта Қазақстанда республикалық деңгейде 26 салалық және аймақтарда 4 облыстық кәсіподақ жұмыс істейді. Кәсіподақтар федерациясының 2,1 млн жуық мүшесі бар. Соның ішінде 1,1 миллионы білім және медицина саласында қызмет етсе, 5 мыңы – студенттер мен зейнеткерлер. Кәсіподақтардың қалған мүшелері – экономика секторының қызметкерлері.
