Соңғы аптада 16 миллионнан астам адам коронавирус инфекциясын жұқтырды, 74 мыңнан астамы қайтыс болды.
Дүниежүзілік денсаулық сақтау ұйымы (ДДҰ) сейсенбі күні кешке індет жұқтырғандар саны алдыңғы жеті күнмен салыстырғанда 19 пайызға азайып, ал қайтыс болғандар саны 4 пайызға өскенін мәлімдеді. Вирус жұқтырғандар санының артуы Тынық мұхитының батыс аймағында (19 пайыз) тіркелді. Сонымен бірге ДДҰ-ның қалған бес аймағында аурушаңдық төмендеді. Әсіресе айтарлықтай төмендеу Оңтүстік-Шығыс Азияда (37 пайыз), Америкада (32 пайыз) және Африкада (30 пайыз) тіркелді. Бір аптада әлемде жаңа инфекциялардың 60 пайызын құрайтын Еуропада бұл көрсеткіш 16 пайызға төмендеген. Өлім-жітім Шығыс Жерорта теңізінде (38 пайыз), Батыс Тынық мұхитында (27 пайыз), Африкада (14 пайыз), Америкада (5 пайыз) және Еуропада (1 пайыз) өсті. Бұл ретте Оңтүстік-Шығыс Азияда 9 пайызға төмендеді. Ресейде бір аптадағы ең көп инфекция жұқтыру (1323391) жағдайы тіркелді.
