Музыкалық жас көрермен театры астаналық өнерсүйер қауымға «Күлше қыз» қойылымын ұсынды.
«Күлше қыз» – театрсүйер қауымға бұрыннан таныс әйгілі ертегі. Ертегіде Ренессанс дәуіріндегі (XIV-XVII ғ.) халықтың тұрмыс-тіршілігі көрсетіледі. Басты кейіпкер әрдайым өмірінде бір ғажайыптың орын алатынына сенеді. Анасынан ерте айырылған Күлше қыздың өмірі бірде аянышты болса, енді бірде ғажайып оқиғалармен алмасып отырады. Көрерменді тағдырдың тылсым жолдарынан өтетін таңғажайып оқиғаларға қарай жетелейді.
Авторы: Е.Шварц композиторы – А.Спадавеккиа. Қоюшы режиссері – Расул Усманов («Сахнагер-2019» Ұлттық театр сыйлығының иегері). Музыкалық жас көрермен театры «Күлше қыз» музыкалық ертегісі арқылы өнер жолына қызығушылықпен қарайтын дарынды жасөспірімдер мен балалардың қиялын қозғап, оларды өнерге қызықтырып, қанаттандырды. Ертегінің тәрбиелік мәні – кез келген адам алдынан кездескен қиындықтарға шыдап, мойымаса, ақыры бір жақсылыққа кез болады.
